Pranvera eshte nje stine shume e bukur për shumicën e njerëzve sepse lidhet me diell, energji dhe humor të mirë. Por çuditërisht, shumë persona në këtë periudhë përjetojnë ankth, pagjumësi, lodhje, nervozizëm dhe një ndjesi të brendshme tensioni që nuk dinë ta shpjegojnë.
Si psikolog, e shoh shpesh këtë fenomen në praktikë: njerëzit vijnë dhe thonë “Nuk kam asnjë problem konkret, por jam i shqetësuar, më rreh zemra shpejt, nuk fle mirë dhe ndihem i shpërqendruar”. Dhe shpesh arsyeja nuk është vetëm stresi i jetës, por ndryshimi i stinës dhe rritja e dritës së ditës.
Pranvera prish ritmin biologjik të trupit
Trupi ynë funksionon sipas një ore të brendshme që quhet ritmi cirkadian. Ky ritëm kontrollon:
- gjumin
- zgjimin
- oreksin
- energjinë
- humorin
Kur ditët fillojnë të zgjaten dhe ka më shumë dritë, truri fillon të ndryshojë mënyrën si prodhon hormone. Ky ndryshim është i natyrshëm, por për shumë njerëz sjell një çrregullim të përkohshëm.
Kjo është arsyeja pse shumë persona përjetojnë probleme me gjumin në pranverë.
Drita ndikon direkt në melatoninën (hormoni i gjumit)
Melatonina është hormoni që i thotë trupit “është koha për të fjetur”. Në pranverë, për shkak të dritës më të fortë dhe më të gjatë, trupi prodhon më pak melatoninë ose e prodhon më vonë.
Rezultati?
- vonohesh të flesh
- zgjohesh gjatë natës
- gjumi nuk është i thellë
- zgjohesh i lodhur në mëngjes
Kjo është një nga arsyet kryesore pse ndodh pagjumësia, sidomos në muajt mars-prill.
Rritja e energjisë mund të rrisë edhe ankthin
Në pranverë rritet aktiviteti i trupit dhe truri bëhet më “i zgjuar”. Për disa njerëz kjo sjell motivim, por për të tjerë sjell hiperaktivitet mendor, mendime të shpejta dhe tension emocional.
Kjo shfaqet si:
- ankth pa arsye
- rrahje zemre
- nervozizëm
- ndjesi sikur “diçka do ndodhë”
- vështirësi për t’u qetësuar
Në psikologji, kjo lidhet me rritjen e stimulimit të sistemit nervor.
Ndryshimi i temperaturave rrit stresin e trupit
Një tjetër faktor është klima. Pranvera sjell temperatura të paqëndrueshme: sot ngrohtë, nesër ftohtë. Ky ndryshim krijon stres biologjik në trup dhe ndikon në sistemin hormonal.
Shumë persona përjetojnë:
- lodhje mendore
- dhimbje koke
- irritim emocional
- stres të shtuar
Kjo është arsyeja pse shpesh flitet për ankthin nga ndryshimi i stinës.
Pranvera rrit presionin social
Në pranverë njerëzit dalin më shumë, ka më shumë aktivitete, më shumë lëvizje, më shumë krahasime sociale. Kjo mund të rrisë ndjesinë e presionit, sidomos tek personat që vuajnë nga ankthi social, depresioni ose pasiguria personale.
Truri e përjeton këtë si mbingarkesë dhe gjumi fillon të prishet.
Si ta ulësh ankthin dhe të përmirësosh gjumin në pranverë
Nëse ke ankth dhe nuk fle mirë, provo këto hapa të thjeshtë:
- dil në dritë natyrale në mëngjes
- shmang telefonin 1 orë para gjumit
- mos pi kafe pas orës 15:00
- bëj ecje ose palestër
- mbaj një orar të rregullt gjumi
Keshille pozitive
Pranvera nuk eshte armik, por nje proces rregullimi natyror i trupit. Nese ndihesh me ankth, i lodhur ose nuk fle mire, mos e shih si dicka te frikshme. Shihe si nje sinjal qe trupi yt po pershtatet me ritmin e ri te dites, me driten dhe me energjine e stines.
Trajtoje pranveren si nje mundesi per t’u rifilluar: dil me shume ne natyre, ec ne diell, rregullo orarin e gjumit dhe jepi vetes kohe. Me pak kujdes dhe rutine te thjeshte, kjo periudhe kalon dhe shume shpejt do ndihesh me i lehte, me i qete dhe me me shume energji.
Pranvera eshte nje fillim i ri, jo nje problem. Shijoje me qetesi.
