“Psikolog, une e mendoj gjithe kohen ate qe dua. E imagjinoj, e shkruaj, i them vetes se do te ndodhe… por pse nuk po ndodh?” Kjo eshte nje nga pyetjet qe mund te lindin kur flasim per ligjin e terheqjes, manifestimin, mendimin pozitiv dhe fuqine e mendjes. Ndoshta edhe ti ke provuar te manifestosh nje lidhje dashurie, nje pune me te mire, me shume para, sukses, qetesi emocionale ose nje ndryshim te madh ne jete. Dhe ndoshta ke pyetur veten: A funksionon vertet ligji i terheqjes? A mund te terheqim ate qe mendojme? Nga kendveshtrimi i psikologjise, pergjigjja eshte me e nderlikuar sesa nje “po” ose “jo”.

Cfare eshte ligji i terheqjes?

Ligji i terheqjes bazohet ne idene se mendimet, emocionet dhe energjia qe vendosim ndaj nje deshire mund te na sjellin ate qe duam. Manifestimi zakonisht perfshin mendimin pozitiv, afirmimet, vizualizimin, shkrimin e deshirave dhe imagjinimin e vetes sikur qellimi eshte realizuar. Por ketu duhet te bejme nje dallim te rendesishem. Psikologjia nuk ka provuar se mendimet tona mund te kontrollojne universin ose te terheqin fizikisht nje ngjarje vetem sepse e kemi menduar. Nje studim mbi besimet e manifestimit gjeti se njerezit qe besojne me shume ne manifestim kane pritshmeri me te larta per suksesin e tyre, por nuk u gjet nje lidhje me te ardhurat apo arsimin si tregues objektive te suksesit. Atehere pse manifestimi mund te duket sikur funksionon?

Mendimi ndryshon sjelljen

Imagjino nje paciente qe me thote: “Dua te kem me shume vetebesim.” Ne terapi, nuk do t'i thoja thjesht: “Mendo pozitivisht dhe do te ndodhe.” Do ta pyesja: “Cfare do te beje ndryshe neser nese do ta besoje vertet se je e afte?” Ketu fillon ndryshimi. Kur nje person ka nje qellim te qarte, mund te filloje te vereje mundesi qe me pare nuk i kushtonte vemendje. Mund te flase ndryshe, te provoje gjera te reja, te vendose kufij, te aplikoje per nje pune, te kujdeset me shume per veten ose te largohet nga nje marredhenie qe nuk i ben mire. Pra, ndonjehere nuk eshte se mendimi terhoqi realitetin. Eshte se mendimi ndikoi tek sjellja jote, dhe sjellja jote ndikoi tek rezultati.

Problemi fillon kur mendimi zevendeson veprimin

Nese i themi vetes: “Do te kem sukses.” por nuk mesojme, nuk punojme, nuk ndryshojme zakonet dhe nuk perballemi me pengesat, atehere manifestimi mund te mbetet vetem nje deshire. Madje, kerkimi psikologjik sugjeron se te menduarit vetem per nje rezultat pozitiv mund te mos mjaftoje. Strategjite qe kombinojne deshiren me pengesat reale dhe me nje plan veprimi mund te ndihmojne me shume ne arritjen e qellimeve. Prandaj, ne vend te: “Do te ndodhe sepse e manifestova.” provo: “Kjo eshte ajo qe dua. Cfare mund te bej une sot per t'iu afruar?” Ky ndryshim i vogel mund te jete shume i rendesishem.

A duhet ta heqim dore nga mendimi pozitiv?

Jo. Mendimi pozitiv, vizualizimi dhe afirmimet mund te kene vlere psikologjike, sidomos kur na ndihmojne te qartesojme qellimet dhe te nxisim veprimin. Kerkimet mbi simulimin mendor tregojne se menyra se si imagjinojme nje situate mund te ndikoje ne sjellje, megjithese efekti varet nga menyra se si perdoret. Por nuk ke nevoje te besosh se universi po ben gjithcka per ty. Mund te perdoresh nje ide me te shendetshme: “Une mund te mos kontrolloj gjithcka qe ndodh, por mund te kontrolloj menyren si reagoj, zgjedh dhe veproj.” Dhe kjo eshte pikerisht pika ku manifestimi takohet me psikologjine. Nese je duke pritur qe jeta te ndryshoje, pyet veten sot: Cila eshte nje gje e vogel qe mund te bej une per ta sjelle veten me afer asaj qe dua? Sepse ndonjehere ndryshimi nuk fillon kur universi te jep ate qe ke kerkuar. Fillon kur ti fillon te sillesh ndryshe ndaj asaj qe deshiron. Per me shume klikoni ketu